Mbretëresha Elizabeth II kaloi një natë në spital

Mbretëresha Elizabeth II kaloi një natë në spital

08:12, 22/10/2021
A+ Aa A-

Mbretëresha britanike, Elizabeth II, kaloi një natë në spital për kontrolle mjekësore, njoftoi Pallati Bukinghem.

Sipas deklaratës për media, mbretëresha tani është kthyer në rezidencën e saj dhe është me “disponim të mirë”.

Në deklaratë thuhet se mbretëresha e kaloi natën e së mërkurës në spital dhe se ajo është këshilluar që të pushojë disa ditë, pas një orari të ngjeshur me angazhime publike.

Një vizitë e saj në Irlandën Veriore, e planifikuar për këtë javë, është anuluar.

Mbretëresha Elizabeth II është 94 vjeçe.

Ajo ka marrë fronin e Mbretërisë britanike në vitin 1952.

Në muajin prill, ajo ka humbur bashkëshortin e saj, princin Philip.

Philip ka vdekur në moshën 99-vjeçare.

Ata janë martuar në vitin 1947 dhe kanë katër fëmijë: princin Charles, trashëgimtarin e fronit, princeshën Anne dhe princat Andrew dhe Edward.

 

© SYRI.net

Lexo edhe:

Komentet

Shto koment

Denonco