Vullkani në malin Aso, në Japoni, shpërtheu të mërkurën duke vënë në alarm zyrtarët për një kërcënim të mundshëm të rrjedhës së lavës.
Mali Aso është një destinacion i njohur turistik në ishullin jugor të Kyushu. Ai shpërtheu rreth orës 11:43 të mëngjesit, tha Agjencia Meteorologjike Japoneze.
Shpërthimi ngriti alarmin për vullkanin në shkallë 5, duke u thënë njerëzve të mos afrohen për shkak të rënies së madhe të shkëmbinjve dhe rrjedhjeve piroklastike brenda një rrezeje prej 1 km rreth kraterit Nakadake.
Policia lokale tha se nuk kishte raportime për persona të plagosur ose të zhdukur që nga mbrëmja e së mërkurës, dhe se 16 persona që kishin shkuar për shëtitje në mal herët gjatë ditës u kthyen të sigurt.
© SYRI.net