Lidhja e dashurisë së evropianëve me djathin dhe birrën shkon shumë larg. Pothuajse tre mijëvjeçare, për të qenë të saktë.

Punëtorët në një minierë kripe në Austri prodhonin djathë blu dhe birrë në një mënyrë të sofistikuar rreth 2,700 vjet më parë, sipas një studimi të ri që gjeti si dëshmi - një copë të jashtëqitjes.

Shkencëtarët e bënë zbulimin duke analizuar mostrat e kakës njerëzore të gjetur në zemër të minierës Hallstatt në Alpet Austriake.

Gjetjet e tyre u botuan të mërkurën në revistën Current Biology.

Minatorët "ishin mjaft të sofistikuar për të përdorur fermentimin, gjë që më befasoi shumë," i tha AFP Frank Maixner, mikrobiolog në Institutin e Kërkimit Eurac në Bolzano, Itali, dhe autori kryesor i studimit. "Kjo nuk është diçka që e prisja".

Kjo është dëshmia më e vjetër e përpunimit të djathit në Evropë. Dhe ndërsa konsumi i alkoolit sigurisht që dokumentohet diku tjetër nga shkrimet edhe më të vjetra ose dëshmitë arkeologjike, kjo është dëshmia e parë molekulare e konsumit të birrës në kontinent në atë kohë.