Qindra emigrantë - përfshirë fëmijë të vegjël, foshnje dhe të moshuar - janë vendosur në veriperëndim të Bosnjës, duke u përballur trimërisht me përkeqësimin e motit dhe policinë e ashpër kufitare kroate për një shans për të shkuar drejt Evropës Perëndimore.

Me disa prej strehimoreve që nuk janë shumë se shkopinj të mbuluar me fletë plastike, vendbanimi shtrihet mbi një fushë me baltë pranë qytetit të Velika Kladusa, disa kilometra nga kufiri me Kroacinë.

Vendasit thonë se kampi ka mbirë gjatë javëve të fundit. Nuk ka ujë të rrjedhshëm, tualete, dushe apo energji elektrike, dhe një dimër i ftohtë boshnjak po afrohet me shpejtësi.

Emigrantët po e përballojnë sa më mirë që të munden. Ata sjellin ujë në enë plastike, ndezin zjarr për ngrohtësi dhe përpiqen t’i mbajnë çadrat e tyre të rregulluara brenda. Disa burra mund të shiheshin duke u larë ose duke u rruar, duke shpresuar që të mbaheshin të pastër në një det me baltë dhe papastërti rreth tyre.

Punonjësit e ndihmës thonë se emigrantët refuzojnë të lshkojnë në kampet zyrtare, të organizuara vetëm të mund të jenë sa më afër kufirit kroat. Tashmë, shumë nga fëmijët janë të sëmurë, thanë ata.

Disa nga njerëzit atje janë përpjekur të hyjnë ilegalisht në Kroaci me dhjetëra herë e po aq janë kthyer mbrapsht nga policia kroate, e cila kohët e fundit u filmua duke rrahur emigrantët me shkopinj dhe duke i kthyer ata në Bosnjë.