Kandidati për kancelar të Gjermanisë, Olaf Scholz deklaroi të mërkurën se qeveria e re e vendit ka gjasa të formohet përpara krishtlindjes.

Sipas Scholz, atmosfera e negociatave deri tani ka qenë konstruktive dhe ka shanse që projekti të konkretizohet përpara festës së fund vitit.

Scholz, që është gjithashtu ministër i Financave i koalicionit në ikje të kryesuar nga Angela Merkel, shpreson të arrijë një marrëveshje përfundimtare me të gjelbrit dhe liberalët e partisë demokratët e lirë.