Udhëheqësi i Koresë së Veriut është zotuar të ndërtojë “një ushtri të pathyeshme" përballë politikave armiqësore nga Shtetet e Bashkuara, thanë mediat shtetërore.
Kim Jong-un shtoi se zhvillimi i armëve ishte për vetëmbrojtje dhe jo për të filluar një luftë.
Kim i bëri komentet në një ekspozitë të mbrojtjes, të rrallë të këtij lloji, ndërsa ishte i rrethuar nga një sërë raketash të mëdha.
Koreja e Veriut kohët e fundit ka testuar ato që pretendon se janë raketa të reja hipersonike dhe kundërajrore.
Kurse Koreja e Jugut ndërkohë ka testuar armën e vet të lëshuar nga nëndetëset.
Në fjalimin e tij në ekspozitën Vetë-Mbrojtje 2021 të mbajtur në Phenian, e cila paraqiste një sërë pajisjesh ushtarake përfshirë tanket, Kim iu referua forcimit të ushtrisë nga Jugu dhe tha se Koreja e Veriut nuk donte të luftonte fqinjin e saj.
"Ne nuk po diskutojmë të lufojmë me askënd, por më tepër për të parandaluar luftën në vetvete, parandalimin e luftës për mbrojtjen e sovranitetit kombëtar," tha ai.
Kim gjithashtu akuzoi SHBA-në për nxitjen e tensioneve midis Koresë së Veriut dhe asaj të Jugut.
Ai shtoi se nuk kishte "asnjë bazë në sjellje" që ta bënte Korenë e Veriut të besonte se SHBA nuk ishte armiqësore.
SHBA nën Presidentin Joe Biden ka thënë vazhdimisht se është e gatshme të bisedojë me Korenë e Veriut, por ka kërkuar që Pheniani të heqë dorë nga armët bërthamore para se të lehtësohen sanksionet. Koreja e Veriut deri më tani ka refuzuar.
Programi raketor dhe bërthamor i Koresë së Veriut
Koreja e Veriut e ka të ndaluar të testojë raketa balistike dhe armë bërthamore nga OKB -ja. Ajo i ka kundërshtuar vazhdimisht këto ndalime dhe është sanksionuar rëndë si rezultat.
Muajin e kaluar, agjencia atomike e OKB -së tha se Koreja e Veriut duket se ka rifilluar një reaktor i cili mund të prodhojë plutonium për armët bërthamore, duke e quajtur atë një zhvillim "thellësisht shqetësues".
Koreja e Veriut gjithmonë ka pohuar se duhet të vazhdojë zhvillimin e armëve për mbrojtje.
Por vëzhguesit thonë se po përdoret gjithashtu si një mënyrë për të ngacmuar vendin e varfër. Koreja e Veriut mendohet të jetë në gjendje të rëndë ekonomike pasi autoritetet mbyllën kufijtë për të ndaluar përhapjen e Covid-19.
Furnizimet bazë si ushqimi dhe karburanti janë ndërprerë befas nga Kina, aleati kryesor politik dhe ekonomik i Koresë së Veriut.
© SYRI.net