Rusia njoftoi sot 936 vdekje nga Covid, numër rekord që nga fillimi i pandemisë, ndërsa një ditë më parë u regjistruan 924 viktima. Numri i përgjithshëm i të vdekurve në vend që nga fillimi i pandemisë ka shkuar në 214,485.

Shërbimi pandemik i Rusisë thotë se 27,246 raste të reja të koronavirusit janë raportuar në 24 orët e fundit, me një rënie të lehtë nga 27,550 një ditë më parë . Numri i përgjithshëm i rasteve që nga fillimi i pandemisë arriti në 7,717,356.

Në Moskë, 4,595 raste të reja u raportuan në 24 orët e fundit, krahasuar me 5,404 një ditë më parë, dhe 71 vdekje krahasuar me 69 një ditë më parë.