Dy balena të ngecur në rërë u arrit të shpëtohen të gjalla në bregun e Atlantikut në Argjentinë nga një ekip prej 30 personash, banorë vendas, ambientalistë detarë, roje bregdetare, zjarrfikës vullnetarë dhe shpëtimtarë.
Balenat u bllokuan 360 km në jug të Buenos Aires, në plazhin e qytetit turistik të La Lucila del Mar.
Të dielën, një balenë femër e mitur që peshonte afërsisht 8 ton dhe ishte 32 metra e gjatë, ishte e para që ngeci aty, sipas Fondacionit Mundo Marino. Kurse pasdite edhe e e dyta, një balenë mashkull, i mitur, i së njëjtës specie, afro 7 ton dhe 27 metra i gjatë.
Shpëtimtarët përdorën të njëjtën teknikë në të dy rastet. "Ishte e nevojshme të drejtohej kafsha, të përdorej ndihma e një vinçi dhe llastiqe të veçanta për t'i lëvizur në një thellësi ku do të ishte e mundur që ato të notonin," tha Augusto Giachetti, drejtor i divizionit bregdetar të Mbrojtjes Civile.
Balenat reaguan shpejt dhe qenë në gjendje të notonin në det. Videot e shpërndara nga fondacioni treguan shpëtimtarët duke brohoritur ndërsa gjitarët arritën në thellësi të oqeanit.
Sipas fondacionit, ka pasur incidente të përsëritura të bllokimit të balenave në Argjentinë dhe Brazil muajt e fundit, që kanë çuar në shqetësime midis ambientalistëve.
© SYRI.net