Kanadaja sipas të dhënat e fundit të Institutit të Statistikave kanadeze ka nevojë për 731 mijë e 900 fuqi punëtore në të gjithë vendin.

Hulumtimi i kryer veçmas nga Instituti Statistikor Kanadez dhe Banka për Zhvillimin e Biznesit të Kanadasë (BDC) zbuloi se nevoja për punë në të gjithë sektorët është jashtëzakonisht e lartë. 

Në hulumtim thuhet se ky hendek mund të shihet në të gjithë provincat, ndërsa nevoja më e madhe për personal u vërjet në pronvicat e Quebec, Ontario dhe British Columbia.

Një studim i ri nga BDC gjithashtu zbuloi se 64% e bizneseve kanadeze po kufizojnë rritjet e tyre për shkak të mungesës së fuqisë punëtore.

Sipas hulumtimeve, është përcaktuar se mungesa më e madhe e personelit në vend është në sektorin e shëndetësisë. 

Sipas hulumtimit të Institutit Statistikor Kanadez, në tremujorin e fundit të vitit 2020, nevoja për punë në fushën e ndihmës shëndetësore dhe sociale u rrit me 56.9%, duke arritur një nivel rekord prej 100 mijë e 300.

Sektori i shërbimeve, i cili përfshin shërbimet e akomodimit dhe Hotelierisë në të gjithë Kanadanë , është bërë sektori i dytë me mungesën më të madhe të stafit në vend, me 89.100 njerëz.

 Pierre Cleroux, kryekonomisti i BDC, tha për CTV se pandemia nuk po shkakton mungesë të fuqisë punëtore në Kanada, por vetëm po përkeqëson një problem ekzistues.

Duke thënë se problemi kryesor është demografia, Cleroux tha:

 "Sot, 16 përqind e kanadezëve janë mbi 65 vjeç. Shumë kanadezë do të dalin në pension në 5 vitet e ardhshme. Megjithatë, shumë të rinj nuk hyjnë në tregun e punës. Ky është problemi "

Nevoja për personel në sektorët e industrisë dhe prodhimit, të cilët janë sektorët bazë të ekonomisë kanadeze, gjithashtu arriti kulmin pas shpërthimit të Kovid-19 .

 Sipas hulumtimit të Institutit Statistikor Kanadez, nevoja për personel në sektorin e shitjes me pakicë ishte 84 mijë e 300, dhe nevoja në sektorin e prodhimit dhe industrisë ishte 65 mijë 900.

Ndërkohë, hulumtimi tregoi se mungesa e shoferëve të kamionëve në të gjithë Kanadanë në tremujorin e dytë të vitit 2021 ishte 18,000.

 "Kamionët dhe logjistika mbështesin sektorët kryesorë ekonomikë, nga tregtia me pakicë dhe shumicë në ndërtim dhe bujqësi, pylltari dhe miniera në sektorë të tjerë. Realiteti është se sa më shumë kohë që duhet për të mbyllur hendekun e shoferëve, aq më shumë do të duhet për rimëkëmbjen e plotë ekonomike, "thuhet në studimi.