Kryebashkiakia e re Sandra Cuevas është zotuar se do ta bëjë Cuauhtemoc vendin më të sigurtë në Mexico City.
Cuevas i ka paralajmëruar kartelet e drogës se koha e tyre ka mbaruar në rrethin e saj të Mexico City.
35 vjeçarja një biznesmene dhe aktiviste ka përshkruar planet e saj për të çliruar Cuauhtémoc nga prangat e gangsterëve brenda 18 muajve.
Duke folur në Kongresin e qytetit të Meksikës, zonja Cuevas ndau vendosmërinë e saj për të dëbuar nga zona, Kartelin e Gjeneratës së Re Jalisco ose CJNG dhe La Unión de Tepito.
Ajo është shprehur: "Ne do të përballemi me krimin e organizuar, krimi i organizuar do të largohet nga Cuauhtémoc."
Sipas Milenio.com , zonja Cuevas ka këmbëngulur se politika e saj e rreptë ka mbështetjen dhe koordinimin e plotë të qeverisë.
Kryebashkiakja ka treguar gjithashtu se ajo nuk ka asnjë iluzion se sa e madhe është sfida e punës në fjalë.
"Edhe nëse ka një ose një mijë kërcënime, objektivi i garantimit të sigurisë në Cuauhtémoc do të përmbushet," tha zonja Cuevas.
Blog Narco raporton se projekti për lirimin e kontrollit të karteleve të zonës do të "funksionojë në mënyrë respektuese", por ka të ngjarë të kërkojë ndihmë të shtuar të sigurisë dhe ushtrisë.
Si pjesë e luftës kundër krimit të organizuar, zonja Cuevas njoftoi sesi kullat e reja të kontrollit të kamerave do të zbatohen për të mbrojtur popullsinë e saj prej 550,000 personash dhe më shumë se 6 milionë vizitorë të përditshëm.
Kartelet e shënjestruar posaçërisht do të jenë La Unión, Anti-Unión, La Ronda 88 dhe CJNG gjysmë të militarizuar.
© SYRI.net