Një grup hetuesish të abuzimeve nga anëtarët e kishës, kanë zbuluar se mijëra pedofilë kanë vepruar brenda Kishës Katolike Franceze që nga viti 1950.

Jean -Marc Sauve tha për mediat franceze se komisioni kishte gjetur dëshmi për 2,900 deri në 3,200 abuzues - nga gjithsej 115,000 priftërinj dhe klerikë të tjerë.

"Ky është një vlerësim minimal", shtoi ai.

Komisioni do të lëshojë një raport të gjatë të martën. Ajo bazohet në arkivat e kishës, gjykatës dhe policisë, si dhe intervistat me viktimat.

Hetimi është ngritur nga Kisha Katolike Franceze në 2018, pas një numri skandalesh në vende të tjera.

Zoti Sauve, një nëpunës i lartë civil, i tha gazetës franceze Le Monde se anëtarët e komisionit u kishte dorëzuar prova prokurorëve për 22 raste kur akoma mund të fillohej veprimi kriminal

Ai shtoi se peshkopëve dhe zyrtarëve të tjerë të lartë të kishës u ishte thënë për akuza të tjera kundër njerëzve që ishin ende gjallë.

Anëtarët e komisionit përfshinin mjekë, historianë, sociologë dhe teologë. Më shumë se 6,500 viktima dhe dëshmitarë u kontaktuan për dy vjet e gjysmë. Raporti përfundimtar është 2,500 faqe.

Christopher Lamb, i botimit katolik romak “The Tablet”, i tha BBC-së se skandalet e abuzimit kishin futur Kishën në "krizën e saj më të madhe në ... 500 vjet".

Në fillim të këtij viti Papa Françesku ndryshoi ligjet e Kishës Katolike për të kriminalizuar në mënyrë eksplicite abuzimin seksual, në rishikimin e tij më të madh të kodit penal për dekada.

Rregullat e reja e bëjnë abuzimin seksual, posedimin e pornografisë së fëmijëve dhe mbulimin e abuzimit një shkelje sipas Ligjit Kanonik.