Mësuesit në Nju Jork supozohet të jenë plotësisht të vaksinuar kundër Covid që nga sot, një nga detyrimet e para të kësaj natyre për arsimtarët në SHBA.

Kryebashkiaku i qytetit, Bill de Blasio, ka paralajmëruar se punonjësve të pavaksinuar do t’u jepet pushim i papaguar dhe nuk do të lejohen të punojnë, me plane për zëvendësues për t'i mbuluar ata aty ku është e nevojshme.

De Blasio tha se 90% e punonjësve të Departamentit të Edukimit kishin marrë të paktën një dozë vaksine, përfshirë 93% të mësuesve.

Detyrimi për vaksinim ka qenë subjekt i një beteje të vazhdueshme ligjore. Supozohej të hynte në fuqi javën e kaluar, por u vonua kur një gjykatë federale e apelit dha një urdhër të përkohshëm. Paneli i apelit e ndryshoi atë vendim tre ditë më vonë.

Mësuesit dhe punonjësit e tjerë të shkollave që kishin ngritur padi për detyrimin e vaksinës në shkollë i kërkuan gjykatës supreme amerikane të enjten një urdhër emergjence që bllokonte zbatimin e saj. Kërkesa u refuzua të premten.