Bruksel, Varshavë - Polonia deklaroi se do ta mbajë minierën e debatueshme të qymyrit Turow të hënën pavarësisht se u godit me një urdhër për të paguar një gjobë prej 500,000 eurosh çdo ditë, Komisionit Evropian, për kundërshtimin e një vendimi të mëparshëm të gjykatës për ndalimin e operacioneve.

Gjykata e lartë e Evropës, Gjykata e Drejtësisë e Bashkimit Evropian me qendër në Luksemburg, e dha  urdhrin e dënimit të hënën.

Ai pasoi një kërkesë nga Republika Çeke, e cila është në mosmarrëveshje me Poloninë mbi minierën e hapur në Turoë që ndodhet pranë kufirit të tyre të përbashkët. Qeveria Çeke thotë se miniera po dëmton fshatrat e saj.

Miniera, e cila prodhon linji, ose qymyr kafe, ka funksionuar për më shumë se një shekull, por kohët e fundit është zgjeruar më tej drejt kufirit çek.

Urdhri i ndëshkimit mund të bëjë presion ndaj Varshavës për të kërkuar një zgjidhje me Pragën pasi bisedimet dypalëshe filluan në qershor mbi azhurnimet teknike dhe masat për të kufizuar dëmtimin prej niveleve të ujit, zhurmës dhe cilësisë së ajrit. Një marrëveshje do të duhet t’i japë fund çdo përplasjeje ligjore.

Qeveria polake tha se dënimi i gjykatës së BE të hënën minoi ato bisedime dhe tha se Turoë, një burim kryesor i vendeve të punës dhe energjisë elektrike në rajonin e saj, do të vazhdojë operacionet.

"Gjoba e përmendur nga Gjykata e Drejtësisë e Bashkimit Evropian është joproporcionale me situatën dhe nuk justifikohet me fakte," tha qeveria e Polonisë në një deklaratë.

"Ajo minon procesin e vazhdueshëm për një zgjidhje miqësore."

Urdhri i gjykatës vjen mes mosmarrëveshjeve të tjera që Varshava ka me Bashkimin Evropian, kryesisht për sundimin e ligjit.
Republika Çeke ia ka paraqitur ankesën e saj për minierën, Komisionit, i cili vitin e kaluar filloi procedurat ligjore, duke thënë se Varshava kishte shkelur ligjin e BE -së kur i zgjati jetën e minierës.