Presidenti i Brazilit Jair Bolsonaro ndodhet në Shtetet e Bashkura të Amerikës për të marrë pjesë në Ansamblenë e Përgjithshme të OKB-së.
Por së fundmi një foto e tij teksa po konsumon një copë picë në rrugët e Nju jorkut është bërë virale.
Bolsonaro duhet të konsumonte vaktin e tij të parë në mes të rrugës në SHBA sepse ai nuk përmbushte kërkesën për të paktën një dozë vaksine anti-covid, rregull i vendosur për të gjithë restorantet në SHBA.
Ishte Ministri Brazilian i Turizmit Gil Machado që ndau në Instagram një fotografi të Bolsonaro dhe ministrave të tjerë në delegacionin e tij, duke ngrënë pica në mes të rrugës.
Bolsonaro i cili gjithmonë ka kundërshtuar rregullat dhe vaksinat anti-covid në një intervistë televizive në dhjetor të vitit të kaluar është shprehur:
"Unë nuk do të vaksinohem. A mendoni se jeta ime është në rrezik? Ky është problemi im."
Më shumë se 585,000 njerëz vdiqën në Brazil për shkak të pandemisë duke u renditur kështu në vendin e dytë në botë përsa i përket numrit të te vdekurëve.
© SYRI.net