Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

Krim i rëndë në Turqi, vritet familje kurde me 7 anëtarë

Krim i rëndë në Turqi, vritet familje kurde me 7 anëtarë

08:39, 31/07/2021
A+ Aa A-

Shtatë persona, të gjithë anëtarë të së njëjtës familje kurde, u vranë dje, 30 korrik, në një sulm të armatosur në shtëpinë e tyre në Turqi, një krim që aktivistët e të drejtave të njeriut e quajnë racist.

Shtatë anëtarët e familjes Denteoglu u vranë nga persona të armatosur të cilët më pas u përpoqën të digjnin shtëpinë e tyre, njoftuan mediet turke.

Anëtarët e kësaj familje u plagosën rëndë në një sulm tjetër në maj, i cili u krye nga fqinjët e tyre, të cilët kërcënuan se "ata nuk do t'i linin kurdët të jetojnë atje".

Ankesa u bë në mes të korrikut në faqen e lajmeve "Gazete Duvar" nga një anëtar i familjes që u vra dje.

Sipas avokatit të viktimave, Abdurrahman Karabulut, lirimi i autorëve të sulmit të parë u dha atyre një ndjenjë mosndëshkimi. "Është një sulm racist (...) Drejtësia dhe autoritetet kanë përgjegjësinë e tyre për atë që ndodhi," tha Karabulut për Arti TV.

© SYRI.net

Lexo edhe:

Komentet

Shto koment

Denonco