Lajmi i fundit

Mbyllet votimi për Bundestagun, ja shifrat e Exit Polleve

Protestat anti-regjim/ Rusia ndihmon Kubën me ushqime dhe ilaçe

Protestat anti-regjim/ Rusia ndihmon Kubën me ushqime dhe ilaçe

10:59, 26/07/2021
A+ Aa A-

Rusia asiston Kubën, e cila ditët e fundit është përballur me protesta kundër regjimit, ndërkohë që në vend vijon kriza e pandemisë.

Ministria e Mbrojtjes e Rusisë i ka dërguar dy aeroplanë të ngarkuar me ndihma Havanës, e cila kohët e fundit ka vuajtur mungesën e ushqimit dhe ilaçeve.

Dy aeroplanë të mëdhenj An-124 me ushqime, pajisje mbrojtëse dhe më shumë se një milion maska ​​janë ngritur nga baza ajrore Chkalovsky, njoftoi Ministria Ruse e Mbrojtjes të shtunën.

Presidenti rus Vladimir Putin dhe homologu i tij kuban, Miguel Diaz-Canel, kanë rënë dakord që të bashkëpunojnë kundër Covid-19.

Kuba me 11.3 milion banorë vijon të jetë nën sanksionet ekonomike të SHBA. Vendi ka nivelin më të lartë të infeksioneve Covid-19 për frymë në Amerikën Latine. Ministria kubane e Shëndetësisë regjistroi të premten 7 784 raste të reja, duke e rritur totalin në 316 383.

Që nga fillimi i pandemisë në Kubë kanë vdekur 2 203 njerëz.

Këtë muaj, mungesat e ushqimit dhe ilaçeve ndezën protestat më të mëdha që Kuba ka parë në dekadat e fundit. Protestuesit kundërshtojnë regjimin komunist dhe mënyrën si është menaxhuar pandemia në vend.

© SYRI.net

Lexo edhe:

Komentet

Shto koment

Denonco