Ndërsa beteja kundër koronavirusit vazhdon, sëmundje vdekjeprurëse vazhdojnë të shfaqen në të gjithë globin me një shpejtësi të frikshme.

Rastet e sëmundjeve “zoonotike”, të njohura si infeksione që kalojnë nga kafshët te njerëzit, po rriten ndërsa bota lufton për të mbajtur nën kontroll pandeminë aktuale.

Një nga ato është dhe lija e majmunëve që u zbulua për herë të parë në 1958 por që së fundmi SHBA ka ngritur alarmin pasi ky ky virus është zbuluar tek një person, sipas Daily Mail.

Qendra Amerikane e Kontrollit dhe Parandalimit të Sëmundjeve (CDC) ka ndërmarrë veprim pasi u zbulua virusi i majmunit tek një person i cili shkoi nga Lagos, Nigeri në Dallas, SHBA.

Ky është rasti i parë i virusit i raportuar në Teksas, sipas Da llas Morning News .

CDC ka gjurmuar më shumë se 200 njerëz nga 27 shtete që kishin kontakte me personin në fjalë.

 Në deklaratën e bërë për këtë temë, u nënvizua se këta njerëz do të monitoroheshin deri më 30 korrik.

Sëmundja e rrallë tropikale që shkakton flluska të lëkurës shkaktohet nga një virus i përhapur nga majmunët, minjtë, ketrat dhe gjitarët e tjerë të vegjël.

Virusi i majmunit transmetohet tek njerëzit përmes kontaktit me një kafshë të infektuar ose përmes kafshimeve të kafshëve të infektuara.

Transmetimi njeri nga njeriu mund të ndodhë edhe përmes kontaktit të ngushtë me njerëz të sëmurë gjatë epidemive, por deri më tani nuk ka pasur prova që transmetimi i njeriut nga njeri mban përhapjen e virusit të majmunit.