Ministri britanik i Shëndetësisë, Matt Hancock, pas skandalit të puthjes me këshilltaren e tij, ka deklaruar se ai  a thyer udhëzimet për distancim social.

Pyetjet në lidhje me punësimin nga z. Hancock të ish-lobistes Gina Coladangelo u ngritën pasi fotografitë në gazetën “The Sun” e treguan z. Hancock, i cili është i martuar, duke  e përqafuar këshilltaren në zyrën e tij.

"Unë pranoj që kam shkelur udhëzimet për distancimin shoqëror në këto rrethana," tha Sekretari i Shëndetësisë. "I kam zhgënjyer njerëzit dhe më vjen shumë keq".

Sipas gazetës, imazhet, të cilat duket se janë nga pamjet e kamerave vëzhguese, janë marrë në 6 maj nga ndërtesa e Departamentit të Shëndetit dhe Kujdesit Social.

Në kohën kur u mor fotografia, nuk lejohej përqafimi i dikujt jashtë shtëpisë tuaj ose kontakti.

Udhërrëfyesi qeveritar nga kufizimet e COVID tha se njerëzit duhet të mbajnë distancë nga të gjithë që nuk janë në në familjen e tyre apo në rrethin mbështetës deri në 17 maj.

Laburistët dhe liberal-demokratët i kanë bërë thirrje Boris Johnson të shkarkojë Ministrin e Shëndetësisë, por z. Hancock e bëri të qartë në deklaratën e tij se ai dëshiron të vazhdojë.

"Unë mbetem i përqendruar në punën për të nxjerrë vendin nga kjo pandemi dhe do të isha mirënjohës të kisha privatësinë për familjen time për këtë çështje personale," tha ai.

Sunday Times raportoi në nëntor se z. Hancock nuk kishte arritur të sqaronte se si e kishte emëruar zonjën Coladangelo si një këshilltare të papaguar, me një kontratë gjashtë-mujore marsin e kaluar dhe më vonë i dha asaj një rol në bordin e Departamentit të Shëndetësisë.

Zonja Coladangelo, e cila është e shënuar në faqen e internetit të departamentit si një drejtore jo-ekzekutive, është drejtoresha e marketingut dhe komunikimit në Oliver Bonas, firmë e themeluar nga burri i saj Oliver Tress.

Profili i saj në LinkedIn thotë se ajo ka punuar si drejtore jo-ekzekutive në Departamentin e Shëndetësisë që nga shtatori i vitit 2020 dhe ka qënë në Universitetin e Oksfordit në të njëjtën kohë me Sekretaren e Shëndetësisë.

Z. Hancock është i martuar me gruan e tij Marta prej 15 vjetësh dhe ata kanë tre fëmijë së bashku.

Kryetarja e i Partisë laburiste,  Anneliese Dodds tha: "Nëse Matt Hanock ka qenë fshehurazi në një marrëdhënie me një këshilltare në zyrën e tij - të cilën ai personalisht e emëroi në një rol të financuar nga taksapaguesit – ky është një abuzim i qartë i pushtetit dhe një konflikt i qartë interesi.

"Fletë akuza kundër Matt Hancock përfshin shpenzimin e parave të taksapaguesve, duke  i lënë azilet  të ekspozuara dhe tani që akuzohet për thyerjen e rregullave të tij COVID.

"Pozicioni i tij është i pashpresë i pambrojtur. Boris Johnson duhet ta shkarkojë atë."

Udhëheqësi i Lib Dem, Ed Davey tha: "Matt Hancock është një Sekretar i tmerrshëm për Shëndetësisë dhe duhet të ishte shkarkuar shumë kohë më parë për dështimet e tij. "Ky episod i fundit i hipokrizisë do të thyejë besimin tek publiku britanik. Ai u thoshte familjeve të mos përqafonin të dashurit, ndërsa vetë bënte gjithçka që i pëlqente në vendin e punës."