Zvicër - Erdhi momenti kur Joe Biden hyri në Villa La Grange në Gjenevë për takimin e tij të parë me Vladimir Putin të Rusisë, që kur Biden si President i SHBA mori detyrën. Ashtu si Putin, ai u përshëndet nga Presidenti zviceran Guy Parmelin dhe pozoi para kamerave.

Të paktën 17 makina thuhet se formojnë autokolonën e Putinit

Nëse po pyesni për limuzinën e Putinit, e cila e priti atë në aeroport dhe e çoi në takim, kjo është ajo që dimë: Ai e përshkoi mespërmes Gjenevën me një autokolonë në të cilën BBC numëroi të paktën 17 makina, duke mos përfshirë makinat e shoqërimit të policisë. Për vetë Putinin ishte një automjet i blinduar Aurus Senat, i sjellë posaçërisht nga Moska.

Automjeti presidencial iu prezantua Putinit në ditën e inagurimit të tij të katërt në vitin 2018. Nuk dihet sa kushton makina e tij, por çmimi i një automjeti të tillë vetëm në një konfigurim bazë thuhet të jetë afërsisht 177,500 paund.

Putin just arrived for the summit - here first and on time. Usually likes to make people - even the Pope - wait #GenevaSummit2021 pic.twitter.com/K1vxxfnOKc

— Sarah Rainsford (@sarahrainsford) June 16, 2021

Dhe këtu shfaqet Presidenti rus, duke arritur në vendin e bisedimeve të Gjenevës në brigjet e liqenit të Gjenevës. Atij i është uruar mirëseardhja nga Presidenti zvicerian Guy Parmelin përpara bisedimeve me Presidentin Biden.

Siguri e lartë për qytetin e samitit 'në sytë e gjithë botës'

Siguria është e rreptë rreth Liqenit të Gjenevës për takimin e madh të sotëm në Villa La Grange.

Pavarësisht nga operacioni i madh i sigurisë, me rrugët e tij të mbyllura dhe transportin publik të pezulluar, Gjeneva tërheq vëmendjen nën diellin e qershorit. Çdo rrugë që ju shkoni duket se është e mbyllur dhe policia ka ardhur nga Zyrihu për të ndihmuar në sigurimin e zonës. Një zonjë e moshuar u ankua me zë të lartë: "A nuk mund të pi vetëm një kafe buzë liqenit? Është një ditë e bukur."

Është po ashtu emocionuese për 1,000 gazetarët e mbledhur në brigjet e liqenit. Plazhi është afër, por i mbyllur dhe ata jemi të mbyllur në një çadër masive shtypi, në një atmosferë si nënjë serë.

Zvicra neutrale loboi shumë për këtë samit dhe presidenti zviceran dje pati takimin e tij të shkurtër me Presidentin Biden. Titulli në gazetën lokale Tribune de Genève këtë mëngjes kishte firmën e qytetit "në qendër të botës" këtë mëngjes.

Gjeneva është mbiquajtur "qyteti i paqes" dhe ka një histori të gjatë të samiteve.

Në vitin 1955, udhëheqësit e "katër të mëdhenjve" të SHBA-së, Bashkimit Sovjetik, Francës dhe Britanisë së Madhe u takuan me shpresën e shkrirjes së Luftës së Ftohtë.

Tridhjetë vjet më vonë Ronald Reagan dhe Mikhail Gorbachev ishin këtu për një takim që hapi dyert për reduktimin e armëve bërthamore.