Një web designer nga Filipine vendosi ta quajë të birin e porsalindur, HTML në nder të profesionit të tij.

Mac Pascual tha se ishte një traditë familjare të kesh një emër unik kur mirëpret një fëmijë të porsalindur duke thënë se dhe emri i tij i shkurtër është Macaroni 85 ndërsa e motra quhet Spageti 88.

Ka qenë halla e të voglit  e cila ka ndarë një postim në rrjetet sociale, teksa shkruan se “Mirësevjen në botë HTML”.

Postimi u bë viral në rrjetet sociale, për shkak të emrit të pazakontë por shumë njerëz shprehën shqetësimin për faktin se do të përballet me bullizëm kur të rritet.