Romë - Qeveria italiane njoftoi të premten se e ka kufizuar përdorimin e vaksinës AstraZeneca të COVID-19, duke e lejuar atë vetëm për moshat mbi 60 vjeç, pasi një adoleshente që kishte bërë dozën vdiq nga një formë e rrallë e mpiksjes së gjakut.
Camilla Canepa vdiq të enjten në moshën 18-vjeçare pasi bëri vaksinën më 25 maj, vdekje që shkaktoi një protestë mediatike dhe politike për përdorimin e kësaj vaksine tek të rriturit e të gjitha moshave, pavarësisht shqetësimeve mjekësore që qenë ndeshur më parë.
"AstraZeneca do të përdoret vetëm për njerëzit mbi 60 vjeç," u tha gazetarëve, Komisioneri i posaçëm për COVID i Italisë, z. Francesco Figliuolo.
Njerëzit nën moshën 60 vjeç që kanë bërë një dozë të parë të AstraZeneca duhet të bëjnë një vaksinë tjetër për dozën e dytë, tha këshilltari kryesor mjekësor i qeverisë Franco Locatelli në të njëjtën konferencë shtypi.
© SYRI.net