Aktivizohen rezervistët! Izraeli miraton sulme shtesë në Rripin e Gazës

Aktivizohen rezervistët! Izraeli miraton sulme shtesë në Rripin e Gazës

15:48, 11/05/2021
A+ Aa A-

Ministri izraelit i Mbrojtjes Benny Gantz sot ka urdhëruar më shumë sulme ajrore në Rripin e Gazës dhe thirri forcat rezervë, transmeton Anadolu.

Sipas të përditshmes Maariv, Gantz e mori vendimin pas një takimi me shefin e tij të shtabit Aviv Kochavi dhe zyrtarë të lartë të sigurisë në Izrael për të vlerësuar situatën në Gaza.

Kanali izraelit 13 raportoi se rezervistët do të vendosen në zonat përreth Gazës për të forcuar sigurinë.

Deri sot në mëngjes, 26 palestinezë janë vrarë, duke përfshirë 9 fëmijë, ndërsa mbi 800 të tjerë u plagosën në sulmet izraelite në Rripin e Gazës dhe përplasjet në Bregun Perëndimor dhe Jerusalemin Lindor.

Ushtria izraelite të hënën vonë tha se ka filluar një operacion ushtarak, me emrin e koduar “Gardiani i Mureve”, për t’iu përgjigjur asaj që e quajti shkrepje me raketa nga Rripi i Gazës.

Tensioni u zhvendos nga Jerusalemi Lindor në Gaza pasi grupet palestineze të rezistencës në Gaza u zotuan të hakmerreshin për sulmet izraelite në Xhaminë Al-Aksa dhe lagjen Sheikh Jarrah.

 

© SYRI.net

Lexo edhe:

Komentet

Shto koment

Denonco