Presidenti bullgar Rumen Radev thirri sot zgjedhjet parlamentare të parakohshme.
Ai gjithashtu caktoi sekretarin e tij të sigurisë dhe mbrojtjes, Stefan Janev, si kryeministër i përkohshëm i cili do të drejtojë qeverinë deri atëherë.
Janev ishte nënkryeministri dhe ministri i mbrojtjes në qeverinë e parë kalimtare të Radev, i emëruar në 2017 dhe është një nga aleatët e tij më të ngushtë, raporton Reuters.
Assen Vasilev, ish-ministri i përkohshëm i ekonomisë gjatë vitit 2013, duhet të jetë ministri i financave në qeverinë kalimtare, konfirmuan burimet pranë kësaj çështje për agjencinë.
Detyrat kryesore të kabinetit kalimtar do të jenë menaxhimi i pandemisë së koronavirusit dhe kryerja e zgjedhjeve të ardhshme parlamentare, pasi në zgjedhjet e kaluara nuk u nuk arrit të sigurohej shumica për formimin e qeverisë.
Pas zgjedhjeve të 4 Prillit, të gjitha përpjekjet për të formuar një qeveri dështuan.
Pas partisë GERB të qendrës së djathtë të ish-kryeministrit Bojko Borisov dhe partisë së re ITN të udhëhequr nga prezantuesi televiziv dhe këngëtari Slavi Trifunov, mandati për formimin e qeverisë u kthye nga socialistët, kështu që zgjedhjet e reja ishin e vetmja rrugëdalje të ngërçit politik.
© SYRI.net