Lajmi i fundit

ÇIM PEKA LIVE/ Rama arreston drejtorët e Veliajt

OBSH: 'Shqetësim global', varianti indian i koronavirusit

OBSH: 'Shqetësim global', varianti indian i koronavirusit

07:13, 11/05/2021
A+ Aa A-

Organizata Botërore e Shëndetësisë tha se varianti B.1.617 i koronavirusit, i identifikuar për herë të parë në Indi vitin e kaluar, është klasifikuar si “variant i shqetësimit global”.

“Ka disa informacione në dispozicion, që sugjerojnë rritjen e transmetimit të tij”, tha Maria Van Kerkhove, epidemiologe në OBSH. “Ndaj, ne do ta klasifikojmë këtë si variant të shqetësimit global”, tha ajo.

India, e cila po përjeton një nga shpërthimet më të këqija në botë të koronavirusit, raportoi të hënën gati 370,000 raste të reja dhe më shumë se 3,700 viktima, njofton REL.

Vala shkatërruese atje ka mbingarkuar sistemin e kujdesit shëndetësor, ndërsa ekspertët thonë se shifrat zyrtare për rastet dhe viktimat janë shumë më të ulëta sesa shifrat reale.

Tash e sa kohë ka pasur shqetësime se varianti B.1.617 mund të jetë duke kontribuar në përhapjen alarmante të koronavirusit.

Por, deri më tani, OBSH-ja e ka renditur atë si një “variant interesi”.

OBSH, si variante shqetësuese, ka klasifikuar tashmë edhe variantin britanik, brazilian dhe atë të Afrikës së Jugut.

Ato shihen si më të rrezikshme se versioni origjinal i virusit duke qenë se janë më të transmetueshme.

Van Kerkhove tha se OBSH-ja do të dalë me më shumë informacione rreth variantit indian të martën, në raportimin e saj javor.

© SYRI.net

Lexo edhe:

Komentet

Shto koment

Denonco