Familjet afgane kanë varrosur fëmijët e tyre të cilët u vranë në shpërthime jashtë një shkolle të mesme në kryeqytetin, Kabul, të shtunën.

Më shumë se 60 persona, kryesisht vajza, tani dihet se kanë vdekur në sulmin që goditi studentët kur ata po dilnin nga klasa.

Askush nuk e ka pranuar kryerjen e sulmit në Dasht-e-Barchi, një zonë e goditur shpesh nga militantët islamikë sunitë.

Qeveria afgane fajësoi militantët talebanë për sulmin, por grupi mohoi përfshirjen.

Synimi i saktë për gjakderdhjen e së shtunës është i paqartë. Shpërthimet vijnë kundër një sfondi dhune në rritje ndërsa SHBA kërkon të tërheqë të gjitha trupat e saj nga Afganistani deri në 11 shtator.

Lagja në Kabulin perëndimor ku ndodhën shpërthimet është zonë e shumë njerëzve nga komuniteti pakicë Hazara, të cilët janë me origjinë mongole dhe aziatike e janë kryesisht myslimanë shiitë.

Pothuajse saktësisht një vit më parë, një sallë lindjeje në spitalin e zonës u sulmua, duke lënë të vdekura 24 gra, fëmijë dhe foshnje.