Sipas Ugur Sahinit, drejtorit ekzekutiv të Biontech, pandemia globale e koronavirusit mund të marrë fund në mesin e 2022-shit.

Në një intervistë për "Wall Street Journal", Sahin shprehet se fitorja ndaj Covid-it mund të shpallet vetëm kur zinxhiri i përhapjes së infeksioneve të ndërpritet në gjithë globin.

Problem është India ku në 24 orët e fundit u shënua rekord me mbi 414 mijë infektime ditore e 4 mijë në ditë të vdekur. 

Bindjen që fundi i pandemisë do të jetë në mesin e vitit të ardhshëm, Sahin e bazon tek përllogaritjet për kohën e nevojshme për prodhimin e miliona dozave të mjaftueshme për të arritur imunitetin e tufës në Indi.