Vendi i parë në botë/ Kanadaja autorizon vaksinën Pfizer për fëmijët 12-15 vjeç

Vendi i parë në botë/ Kanadaja autorizon vaksinën Pfizer për fëmijët 12-15 vjeç

18:59, 05/05/2021
A+ Aa A-

Kanadaja autorizoi përdorimin e vaksinës Pfizer kundër koronavirusit për fëmijët e moshës 12 deri në 15 vjeç.

Ky është vendi i parë që merr një vendim të tillë për këtë grup-moshë.

Ministria e Shëndetësisë tha se ka marrë vendimin bazuar në të dhënat e fazës së tretë të testimit të fëmijëve në këtë moshë.

“Departamenti ka vlerësuar se kjo vaksinë është e sigurt dhe efektive kur përdoret në këtë grup-moshë më të re”, tha një këshilltar i Ministrisë së Shëndetësisë kanadeze.

Pfizer po ashtu thotë se vaksina funksionon mirë në këtë grup-moshë.

Kanadaja ka autorizuar tashmë përdorimin e vaksinës Pfizer te njerëzit mbi 16 vjeç.

Ky vend ka regjistruar mbi 1.2 milion raste me koronavirus dhe rreth 20 për qind e tyre kanë qenë persona nën 19 vjeç.

Rreziku që fëmijët të sëmurën shumë ose të vdesin nga koronavirusi është i vogël dhe gjatë gjithë pandemisë ata shumë rrallë kanë pasur nevojë për trajtim spitalor./ REL/

© SYRI.net

Lexo edhe:

Komentet

Shto koment

Denonco