Rusia njoftoi të enjten se do të tërheqë trupat pranë Ukrainës dhe Krimesë, duke gjykuar se stërvitjet e saj ushtarake kanë mbaruar.

Vendosja e madhe e trupave në kufi ishte kritikuar rëndë nga fuqitë perëndimore.

"Trupat kanë demonstruar aftësinë e tyre për të siguruar një mbrojtje të besueshme të vendit. Kështu që vendosa të përfundoja aktivitetet e inspektimit në rrethet ushtarake jugore dhe perëndimore" në kufi me Ukrainën, tha Ministri rus i Mbrojtjes Sergei Shoigu në një njoftim për shtyp.