Amerikania më e vjetër, Hester Ford, u nda nga jeta të shtunën në moshën 116 vjeçare, duke lënë pas shumë pasardhës, përfshirë rreth njëqind stërnipër e mbesa, njoftoi familja e saj në rrjetet sociale.

Edhe pse nuk është e sigurt nëse ajo ka lindur në 1905 apo 1904, Gerontology Research Group njohu 2019 si gruaja më e vjetër amerikane.

Afrikano-amerikanja ka lindur në Karolinën e Jugut dhe është rritur në një fermë ku merej me pambuk dhe punonte në fusha, pas së cilës ajo punoi si dado, njoftoi stacioni televiziv lokal WBTV nga Karolina e Veriut.
"Ajo përfaqësoi përparimin e familjes tonë, por gjithashtu progresin e Afrikano-Amerikës dhe kulturës së tyre në vendin tonë. Ajo na kujtoi rrugën që kaluam si komb," thanë familja e saj.

Ajo lindi rreth dyzet vjet pas heqjes së skllavërisë dhe përjetoi ndarjen, e cila përfundoi vetëm në vitet 1960.

Gjithashtu mbijetoi pandeminë e gripit spanjoll dhe kishte më shumë se 280 pasardhës: 12 fëmijë, 48 nipër e mbesa, dhe rreth njëqind stërnipër .

Hester vdiq në shtëpi, me familjen e saj. Shkaku i vdekjes nuk dihet ende.