Një çift nga Sidnei u tmerrua kur zbuloi një gjarpër të rrallë helmues në një qese me marule në supermarket - por e zgjidhën duke e mbyllur prodhimin e freskët në qesen e sallatës.

Gjarpri i vogël me kokë të sheshtë, Hoplocephalus bitorquatus, ishte zhytur në një paketë sallate marule të cilën Alexander White dhe partnerja e tij, Amelie Neate, e blenë të hënën nga një supermarket Aldi në Sidnei.

"Ai përdridhej duke nxjerrë atë gjuhën e vogël," tha Ëhite. "Në të vërtetë ishte gjuha e gjarprit që më la të kuptoj se nuk ishte një krimb gjigand. Për mua do të kishte qënë më mirë një krimb, të them të drejtën. "

Zvarraniku ishte rreth 20 cm i gjatë dhe duket se kishte fjetur i qetë në sallatën e marules në frigoriferin e supermarketit derisa White e mori atë, e kaloi nëpër dyqan, dhe më pas e tundi në çantën e shpinës për 10 minuta udhëtim me biçikletë në shtëpi.

"Ne nuk kishim një karrocë sepse asnjëri prej nesh nuk kishte një monedhë dollarësh, kështu që ne thjesht po e mbanim atë në dorë,” tha White.

Gjarpri u shfaq kur po hapnin sendet ushqimore në shtëpi. Ata lajmëruan organizatën e shpëtimit të kafshëve të egra dhe u këshilluan që gjarpri ishte ndoshta  një nga speciet më helmuese dhe agresive në Australi.

Ëhite tha se gjarpri i mitur ishte mjaft i lezetshëm. Ai dhe Neate kaluan ca kohë duke e shikuar atë dhe duke bërë video-thirrje midis gjarprit dhe fëmijëve të tyre, të cilët ishin larg për pushimet e shkollës, në kohën kur po prisnin ndihmën e ekspertit.