Dy vjet pasi një zjarr shkatërrues shpërtheu në Katedralen e Notre-Dame në Paris, specialistët po merren me dritaret e famshme prej xhami me piktura shekullore, përpara restaurimit të tyre.

Shkencëtarët kanë punuar me dritaret në një laborator të vendosur në ish-stallat e një vile të shekullit të 17-të, në lindje të Parisit.

Pas zjarrit, më shumë se 2,000 panele qelqi u hoqën me kujdes për restaurim. Dëmi i shkaktuar nga flakët ka lënë gjurmë në dritare, disa prej të cilave datojnë në shekullin e 13-të.

Shkencëtarët do të kalojnë disa muaj të tjerë duke ekzaminuar xhamat përpara se të fillojë restaurimi.