“Boogel Woogel" është një nga eventet më të famshme të përvitshme në Rusi.

Eventi nisi të mërkurën në resortin Rosa Khutor dhe do të zgjasë deri ditën e dielë.

 “Boogel Woogel" nuk është vetëm një festival por është një karnavale me natyrë malore.

Një event i pazakontë, gjithmonë i mirëpritur dhe i hapur për mysafirët, është një nga ato ngjarje dimërore në të cilën drita verbuese e diellit dhe shkëlqimi i borës, përzihen me ngjyrat e ngrohta që “njollosin” bardhësinë.

Zbritja e skiatorëve në shpatet e pjerrët, që sfidojnë të ftohtit, veshur me bikini apo kostume të tjera banjo, muzika, festimet e “Holi” plot ngjyra, snow-boarding, not në pishina, yoga, shah, boks e shumë të tjera, janë ato që i bëjnë karnavalin malor të Soçi-t, eventin më të çmendur në botë, atë që shpesh quhet “Olimpiada e Ekcentricitetit”.