E njohur si gruaja me thonjtë më të gjatë në botë, mbajtësja e titullit të rekordeve botërore Guinness Ayanna Williams (SHBA) është ndarë zyrtarisht me manikyrën e saj madhështor pasi preu thonjtë fundjavën e kaluar.

Dr. Allison Readinger i “Trinity Vista Dermatology” në Forth Worth, Texas (SHBA), përdori një mjet elektrik rrotullues për të prerë thonjtë e gjatë të mbajtëses së rekordit pasi i mati për herë të fundit.

Kjo është hera e parë që mbajtësja e rekordit ka prerë thonjtë e saj që nga fillimi i viteve 90, që do të thoshte se ishte një lamtumirë emocionale, e ëmbël kur Ayanna më në fund u desh të ndahej me ta.  

“Unë kam rritur thonjtë e mi për disa dekada. Unë jam aq shumë, aq e gatshme për një jetë të re. Unë e di që do t’i humbas, por është vetëm ajo kohë – është koha që ata të shkojnë”.

Ayanna u njoh për herë të parë zyrtarisht për thonjtë e saj të jashtëzakonshëm në 2017 dhe ishte një nga yjet që theu rekordin e thonjve më të gjatë në Guinness World Records 2018.

Në atë kohë thonjtë e saj ishin 576.4 cm (18 ft 10.9 in) dhe asaj i duheshin më shumë se dy shishe manikyr dhe 20 orë për të bërë manikyrën e saj. 

Kohët e fundit, u deshën rreth 3 ose 4 shishe manikyr dhe Ayanna u desh ta përfundonte detyrën për disa ditë.

Ayanna u përball me vështirësi të përditshme me thonjtë e saj të gjatë dhe nuk ishte në gjendje të bënte disa aktivitete si larja e enëve dhe vendosja e çarçafëve në shtrat. 

“Me lëvizjet e mia duhet të jem shumë, shumë e kujdesshme. Kështu që zakonisht në mendjen time tashmë jam duke u përgatitur për hapin tjetër që duhet të bëj për t’u siguruar që nuk e lëndoj veten me thonjtë e mi, ose t’i thyej ato. Jam e ngazëllyer për prerjen e thonjve sepse pres me padurim fillime të reja”.

Para prerjes përfundimtare, Ayanna tha se ajo mori shumë reagime të ndryshme nga të tjerët që do t’i shihnin thonjtë e saj në publik, por shumica ishin pozitive dhe mbështetëse, veçanërisht ato nga fëmijët.