Alberto Fernandez, është presidenti i Argjentinës.

Ditën e djeshme, pikërisht në ditëlindjen e tij, ai rezultoi pozitiv me Covid-19.

“Në fund të ditës së sotme, pasi pata një temperaturë prej 37,3 gradësh Celcius dhe një dhimbje koke të lehtë, bëra një tampon ku rezultova pozitiv”, deklaroi Fernandez në “Twitter”.

“Unë jam fizikisht mirë, dhe ndërsa uroj të kisha përfunduar ditëlindjen pa këtë lajm, jam gjithashtu në humor të mirë”, shtoi 62-vjeçari në postim.

Argjentina deri më tani ka regjistruar rreth 2,3 milionë infeksione dhe mbi 56 000 vdekje në lidhje me Covid-19.