Një mjek në Australi u dha gabimisht katër herë dozën e rekomanduar të vaksinës së Pfizer për koronavirus, dy të moshuarve në një azil ë Brisbane, sepse ai nuk kishte bërë trainim për këtë. Doktori ia dha një burri 88-vjeçar dhe një gruaje 94-vjeçare, dozat e gabuara.

Ministri federal i shëndetësisë Greg Hunt tha se gabimi ndodhi në Azilin e Shpirtit të Shenjtë në Carseldine. Të mërkurën pasdite Hunt tha se atij iu dha një informacion i ri që zbuloi se mjeku kurrë nuk pasur ndonjë trajnim për vaksinën.

"Kjo është duke u hetuar nga Shëndetësia në Australi dhe ne presim një raport më vonë sot," i tha Hunt parlamentit. "Unë përsëris lutjen time për falje ndaj familjes ... Unë kam kërkuar nga departamenti [i shëndetësisë për të marrë masa kundër kompanisë dhe mjekut për atë që është një shkelje e qartë në të dy frontet."

Të dy banorët po monitoroheshin nga afër. Mjeku nuk e kishte bërë vaksinën edhe në ndonjë vend tjetër, tha Hunt.

"Masat mbrojtëse menjëherë u vunë në veprim dhe një infermiere në vendin e ngjarjes identifikoi faktin se dy pacientëve u ishte dhënë një dozë më e lartë se e parashikuar," tha ai.

"Gjëja e rëndësishme është që të dy pacientët të monitorohen dhe të dy pacientët nuk po tregojnë shenja të ndonjë reagimi anësor. Por kjo është një kujtesë për rëndësinë e masave mbrojtëse. Gjëja më e rëndësishme është që ne të angazhohemi në transparencë," tha Hunt. “Kur e dimë, ne e sigurojmë atë informacion. Dhe në mënyrë të konsiderueshme vetë pacientët po tregojnë, në këtë pikë, absolutisht asnjë reagim negativ. "

Ai shtoi se në provat klinike, një sërë dozash u ishin dhënë pacientëve për të përcaktuar dozën më efektive dhe ata pacientë nuk kishin pësuar probleme.

Zëdhënësi shëndetësor i opozitës Mark Butler tha se ishte një rast i "keqadministrimit serioz, një mbidozë shumë e konsiderueshme për dy banorë të moshuar në një institucion të kujdesit në Queensland".