Paris – Situata e shkaktuar nga COVID-19 në Francë është shqetësuese, tha kreu i entit rregullator të shëndetit “Haute Autorite de Sante” të hënën në radio Inter, ndërkohë që qeveria e Presidentit Emmanuel Macron po shqyrton mundësinë e një bllokimi të ri.

Franca ka numrin e shtatë më të lartë në botë të COVID-19 me më shumë se 73,000 vdekje.

“Është një moment shqetësues. Po shikojmë shifrat, dita ditës. Ne kemi nevojë për të marrë masa shumë shpejt .... por në të njëjtën kohë, jo shumë me ngut, "tha kreu i entit, Dominique Le Guludec.

Jean-François Delfraissy,  kreu i këshillit shkencor që këshillon qeverinë për COVID-19, kishte thënë të dielën se Franca ndoshta do të ketë nevojë për një bllokim të tretë kombëtar, ndoshta që nga pushimet shkollore të shkurtit, për shkak të qarkullimit të varianteve të reja të virus.

Ministri francez i çështjeve evropiane Clement Beaune, kur u pyet për këtë në radio franceze të hënën, u përgjigj se nuk ishte marrë asnjë vendim i prerë për këtë çështje.

Franca aktualisht është në një shtetrrethim nga ora 6 deri në 6 të mëngjesit, në përpjekje për të ngadalësuar përhapjen e virusit, por numri mesatar i infeksioneve të reja është rritur nga 18,000 në ditë në më shumë se 20,000.

Geoffroy Roux de Bézieux, kreu i grupit lobues francez të biznesit MEDEF, tha se ai do t'i bëjë thirrje qeverisë të mbajë sa më shumë biznese dhe shkolla të hapura në çdo bllokim të ri, për të mbrojtur ekonominë dhe për të ndihmuar arsimin e fëmijëve.