Sapo Joe Biden hyri në Shtëpinë e Bardhë, krerët e qeverive në të gjithë botën bënë reflektimet e tyre mbi presidencën e tij.

Disa shprehën lehtësim që Biden kishte marrë detyrën pas katër viteve të trazuara të Donald Trump, i cili shpesh e anulonte bashkëpunimin ndërkombëtar dhe i testonte aleancat e qëndrueshme.

Të tjerët shprehën besimin se Biden do t'i ndihmonte ata të zgjidhnin disa nga sfidat më të mëdha me të cilat përballet komuniteti ndërkombëtar, që nga ndryshimi i klimës te pandemia e koronavirusit.

Ja çfarë thanë disa prej tyre:

Kryeministri i Mbretërisë së Bashkuar Boris Johnson tha: "Kur shikoni çështjet që na bashkojnë mua dhe Joe Biden, Mbretërinë e Bashkuar e SHBA, tani, ekziston një axhendë e përbashkët fantastike. Për ne dhe Amerikën, është një moment i madh."

Presidentja e Komisionit Evropian Ursula von der Leyen tha: "Shtetet e Bashkuara u rikthyen. Dhe Evropa është gati. Të rilidhemi me një partner të vjetër dhe të besuar, t'i japim jetë të re aleancës sonë të dashur. Unë po pres që të punojmë së bashku me Joe Biden."

Kancelarja gjermane Angela Merkel tha: "Ka një fushë shumë më të gjerë të marrëveshjeve politike me Presidentin Biden. Kjo është e qartë vetëm duke parë urdhrat ekzekutivë që ai nënshkroi dje."

Ambasadori rus në SH.B.A., Anatoly Antonov, tha: "Unë do të doja të besoja se një kapitull i ri në zhvillimin e Shteteve të Bashkuara të Amerikës fillon sot dhe, natyrisht, që fillon një kapitull i ri edhe në zhvillimin e marrëdhënieve ruso-amerikane.