Lajmi i fundit

LIVE/ Mblidhet Këshilli Bashkiak i Himarës për drejtuesin e ri

‘Pushtimi i Kapitolit’, Prokurori Sherwin: Nuk ka prova për ‘grupe që do të kapnin e vrisnin’ ligjvënës

‘Pushtimi i Kapitolit’, Prokurori Sherwin: Nuk ka prova për ‘grupe që do të kapnin e vrisnin’ ligjvënës

22:29, 15/01/2021
A+ Aa A-

Prokurori në detyrë i Uashingtonit tha të premten se nuk ka “prova të drejtpërdrejta” që sugjerojnë se protestuesit që sulmuan Kapitolin kishin formuar “grupe që do të kapnin e vrisnin” ligjvënës brenda ndërtesës.

Komentet e Prokurorit të përkohshëm, Michael Sherwin, u duk se ishin një përpjekje për të sprapsur dyshimet e ngritura në një padi të enjten nga disa prokurorë federalë në Arizona, sipas të cilëve ka prova se protestuesit kishin për qëllim “të kapnin e vrisnin zyrtarë të zgjedhur”.

Zoti Sherwin tha se zyra e tij po udhëheq përpjekjen e prokurorisë, por ndërsa zyrat lokale ndihmojnë për të identifikuar të dyshuarit në zonat e tyre, mund të ketë pasur edhe një “shkëputje” në provat e siguruara deri më tani lidhur me çështjet.

Ndërsa vazhdojnë hetimet, të enjten vonë prokurorët federalë ngritën pretendime të gjera në një padi gjyqësore ndërsa i kërkuan një gjykatësi që të miratonte një urdhër ndalimi ndaj Jacob Chansley, një shtetas amerikan nga Arizona. Ky i fundit mbështet e përhap teoritë konspirative të QAnon.

Ai u fotografua ulur në tryezën e Nënpresidentit Mike Pence në Senatin amerikan ndërsa mbante një kokore me brirë mbi kokë. Zoti Chansley pritet të dalë para gjykatës federale të premten në mbrëmje./ VOA/

© SYRI.net

Lexo edhe:

Komentet

Shto koment

Denonco