Një tjetër prag tragjik është kapërcyer nga pandemia Covid-19, për sa i përket numrit të viktimave, ku sot janë tejkaluar 2 milionë viktima.
Sipas universitetit John Hopkins, që nga fillimi i pandemisë ka monitoruar situatën epidemiologjike në çdo vend të botës, sot janë tejkaluar 2 milionë viktimat, konkretisht 2,000,905.
Shtetet e Bashkuara kryesojnë këtë renditje të hidhur me pothuajse 390 mijë viktima, të ndjekur nga Brazili me rreth 200 mijë dhe India me 150 mijë.
Vendi i BE-së me më shumë humbje jete mbetet Italia, që ka kaluar sot 81 mijë viktimat. Ndërkohë, të infektuarit në botë me COVID-19 kanë kaluar 93 milionët.
© SYRI.net