Sekretari i Përgjithshëm i NATO-s, Jens Stoltenberg deklaroi të enjten se Aleanca është e gatshme të kontribuojë në ndërtimin e sigurisë në Libi sapo të krijohen kushtet për një gjë të tillë.

Shefi i NATO-s tha se ai mirëpriti armëpushimin në Libi ndërsa fliste në një konferencë për media.

"Ne kemi parë praninë e avionëve luftarakë dhe mercenarëve të financuar nga Rusia dhe të gjitha aftësitë ushtarake ruse", tha ai duke u përgjigjur në një pyetje rreth instalimit ushtarak të Rusisë në rajon.

"Për NATO-n, ajo vetëm thekson rëndësinë e mbështetjes së përpjekjeve të drejtuara nga OKB-ja për gjetjen e një zgjidhjeje të negociuar të krizës libiane", tha Stoltenberg.

Sipas tij, investimi i madh i Rusisë në pajisje të reja ushtarake dhe prania e shtuar ushtarake përgjatë kufijve të Aleancës ushtarake po bëhet si një model.

"Rusia nuk është e pranishme vetëm në Libi, por në pjesë të tjera të Afrikës, Lindjes së Mesme, Siri, rajonin e Baltikut dhe në Veriun e largët", tha ai.

Ai tha se zhvillimet kanë shkaktuar "shqetësim të madh" për NATO-n, por Aleanca "ndjek dhe monitoron nga afër" dhe ajo investoi në aftësi të reja "në përgjigje të një Rusie më këmbëngulëse".