Kryeministri grek Kyriakos Mitsotakis i ka shkruar Presidentes së Komisionit Evropian Ursula von der Leyen për të kërkuar futjen e një çertifikate vaksinimi për koronavirus që do të lehtësonte udhëtimet midis vendeve anëtare në bllok, njoftoi Politico të martën.

Qeveria greke thuhet se po propozon futjen e një çertifikate nga Bashkimi Evropian për "lehtësimin e lirisë së lëvizjes së personave të cilët janë vaksinuar kundër Covid-19", thuhej në letrën e  parë nga Politico.

"Është urgjente të miratohet një mirëkuptim i përbashkët se si duhet të strukturohet një çertifikatë vaksinimi në mënyrë që të pranohet në të gjitha vendet anëtare," tha Mitsotakis, i cili shpreson ta shtrojë çështjen në një samit të BE në 21 janar. Ai shtoi se ndërsa një proces i tillë "mund të tingëllojë i thjeshtë ... përvoja e gjatë që kemi pasur në zhvillimin e një Lokatorit të Pasagjerëve të përbashkët, na ka treguar se ekziston një nevojë urgjente për një mobilizim të nivelit të lartë në të gjithë BE-në për t'i çuar gjërat përpara "

"Sigurimi i rikthimit sa më të shpejtë të mundshme, të lirisë së lëvizjes ... është, domosdoshmërisht, një përparësi themelore për të gjithë ne," tha Mitsotakis, duke shtuar se Greqia, megjithatë, "nuk do ta bëjë vaksinimin të detyrueshëm ose një parakusht për udhëtimin, personat të cilët janë vaksinuar duhet të jenë të lirë të udhëtojnë. ”

Një çertifikatë, ai tha gjithashtu, do të siguronte më tej "një nxitje pozitive për të siguruar që qytetarët të inkurajohen të bëjnë vaksinimin".