Shtetasja gjermane Sabrina Dinkler-Stemme tha se ajo u trajtua si një "kriminele" ndërsa zbriti nga një avion nga Britania dhe u gjend e bllokuar në aeroportin e Hanoverit.

"Urrethova plotësisht nga policia. Isha jashtë në shi. Nuk mund të lëviznim sepse ishim të bllokuar me 70 pasagjerë të tjerë," tregoi ajo për kalvarin e saj të dDielën në mbrëmje.

Dinkler-Stemme kishte qenë në një nga fluturimet e fundit nga Britania për të mbërritur në Gjermani para se të fillonte një ndalim i përkohshëm nga mesnata që ndalonte avionët që mbërrinin nga Mbretëria e Bashkuar pasi atje u zbulua një lloj i ri koronavirusi.

"Nuk na ishte dhënë asnjë informacion përveç një oficeri policie i cili më tha: “Është faji yt, ti e dije dhe prapëse prapë hipe në avion", tha Dinkler-Stemme.

Udhëtarët britanikë  ende duke fluturuar për në Gjermani të dielën nuk u lejuan të largoheshin nga aeroporti nga zyrtarë shëndetësorë dhe infermierë - disa të veshur me costume mbrojtëse – që u bënin  teste të menjëhershme Covid-19.

Masat e reja i goditën ata që mbërritën në Hanover nga Britania, të cilët i mbajtën brenda natës në aeroport dhe nuk i lejuan të largoheshin derisa të merrnin një rezultat negativ të testit të hënën në mëngjes.

Zyrtarët e terminalit vendosën shtretër kampi për të ndihmuar udhëtarët të kalonin natën.

Midis udhëtarëve të bllokuar, atmosfera ishte e tensionuar.

"Ne jemi në aeroportin e Hanoverit dhe jemi mbajtur kundër vullnetit tonë, u testuam dhe na u ndalua të dilnim nga lokalet ndërsa prisnim rezultatet," tha Manuela Thomys, në një video të shpërndarë në internet nga e përditshmja gjermane Bild.

Grupe njerëzish, përfshirë një foshnjë nëntë muajshe, mund të shihen në klip. "Ju lutemi na ndihmoni të largohemi!" thotë Thomys

"Të gjithë jemi të rraskapitur, shumë njerëz po qajnë. Të gjithë flasin me anëtarët e familjes së tyre. Është me të vërtetë një situatë e pakëndshme kur gjithçka që duam ta bëjmë për të shkuar në shtëpi," tha një tjetër pasagjer që dha emrin vetëm Sophie.

“ 157 bllokuar në Frankfurt“

Autoritetet lokale kanë kërkuar falje për shqetësimin e shkaktuar përpara Krishtlindjeve.

"Qëllimi ynë është të parandalojmë që varianti i ri i virusit të hyjë në rajon," shpjegoi zyrtari shëndetësor i Hanoverit Andreas Kranz për telin e lajmeve gjermane DPA.

Pasagjerët më në fund u lejuan të largoheshin të hënën në mëngjes pasi rezultatet erdhën, me një person që rezultoi pozitiv, tha qyteti i Hanoverit në një deklaratë.

Testet e mëtejshme do të kryhen për të parë nëse testi pozitiv është i llojit të ri mutant.

Pasagjeri i prekur dhe të tjerët që po shoqëronin individin u dërguan në vendbanimin e tyre ku do të futeshin në karantinë, shtoi qyteti.

Skena të ngjashme u zhvilluan në aeroportet e tjera gjermane, përfshirë Frankfurtin ku 157 njerëz që mbërrinin nga Britania dhe Afrika e Jugut - ku është zbuluar edhe lloji mutant i virusit - janë bllokuar.

"Ne u kujdesëm për ta duke shpërndarë shtretër kampi, pije dhe ushqim," tha Christian Engel, një zëdhënës në aeroport.

Gjermania raportoi një rekord në infeksionet e reja ditore të enjten, duke tejkaluar shifrën 30,000 për herë të parë dhe ka regjistruar një total prej 24,125 vdekjesh.