Lajmi i fundit

ÇIM PEKA LIVE/ Rama arreston drejtorët e Veliajt

'Shpëtoje vendin tonë...'/ Trump kërkesë ‘Supremes’: 78% e njerëzve e ndjejnë se zgjedhjet janë manipuluar

'Shpëtoje vendin tonë...'/ Trump kërkesë ‘Supremes’: 78% e njerëzve e ndjejnë se zgjedhjet janë manipuluar

16:39, 10/12/2020
A+ Aa A-

Të mërkurën, presidenti Donald Turmp i kërkoi Gjykatës Supreme të bllokojë miliona vota në shtete kyçe që zgjodhën Joe Biden si presidentin e ardhshëm të Shteteve të Bashkuara.

Trump i kërkon gjykatës të ndërhyjë në një padi të ngritur nga Prokurori i Përgjithshëm i Teksasit, Ken Paxton, i cili kërkon të zhvlerësojë miliona vota të hedhura në Xhorxhia, Miçigan, Pensilvani dhe Uiskonsin.

“Gjykata Supreme ka shansin të shpëtojë vendin tonë nga abuzimi më i madh zgjedhor në historinë e Shteteve të Bashkuara. 78% e njerëzve e ndjejnë (tani!) se zgjedhjet janë manipuluar”, shkroi presidenti në rrjetet sociale.

Presidenti iu drejtua Gjykatës Supreme një ditë pasi Gjykata Supreme e Pensilvanisë i mohoi të drejtën republikanëve për të bllokuar certifikimin e rezultatit zgjedhor, me pretendimin se duheshin anuluar votat me postë.

Deri tani, të 50 shtetet, si edhe Distrikti i Kolumbias, e kanë certifikuar rezultatin zgjedhor që dërgon Joe Biden në Shtëpinë e Bardhë për një mandat katërvjeçar, duke nisur nga 20 janari 2021.

© SYRI.net

Lexo edhe:

Komentet

Shto koment

Denonco