Kriza Covid-19 mund të shtyjë më shumë se 200 milionë njerëz në varfëri ekstreme, duke e çuar totalin në më shumë se 1 miliard njerëz që jetojnë në varfëri në të gjithë botën deri në 2030, sipas parashikimeve nga programi i zhvillimit të OKB (PNUD).

Nën një skenar "me dëm të madh", ku rimëkëmbja është e zgjatur, 80% e krizës ekonomike të shkaktuar nga Covid do të vazhdonte në 10 vjet për shkak të humbjes së produktivitetit.

Një skenar "bazë Covid", bazuar në nivelet aktuale të vdekshmërisë dhe parashikimet më të fundit të rritjes nga Fondi Monetar Ndërkombëtar (FMN), do të rezultonte në 44 milionë më shumë njerëz që jetojnë në varfëri ekstreme deri në 2030, krahasuar me trajektoren e zhvillimit në të cilën ishte bota  para pandemisnë, tha PNUD.

Studimi, pjesë e një partneriteti të gjatë midis UNDP dhe Qendrës Pardee për të Ardhmen Ndërkombëtare në Universitetin e Denver, vlerësoi ndikimin e skenarëve të ndryshëm të rimëkëmbjes .

Administratori i PNUD, Achim Steiner tha:

Siç thekson ky studim i ri i varfërisë, pandemia Covid-19 është një pikë kthese dhe zgjedhjet që bëjnë udhëheqësit tani mund ta çojnë botën në drejtime shumë të ndryshme. Ne kemi një mundësi për të investuar në një dekadë veprimi që jo vetëm i ndihmon njerëzit të shërohen nga Covid-19, por që rivendos rrugën e zhvillimit të njerëzve dhe të planetit drejt një të ardhme më të drejtë, elastike dhe të gjelbër.”