Ndryshimet e motit në botë kanë sjell fenomene të pa para më parë ku janë shtuar katastrofat në mënyrë të frikshme, vlen të përmendet thyerja e rekordit të uraganeve në SHBA brenda një viti.

Sekretari i Përgjithshëm i Kombeve të Bashkuara, Antonio Guterres do të mbajë një konferencë ku kryefja e saj do të jetë që "Planeti ynë është thyer."

Njerëzimi po zhvillon atë që ai do ta përshkruajë si një luftë "vetëvrasëse" ndaj botës natyrore.

Z. Guterres dëshiron të vendosë trajtimin e ndryshimeve klimatike në zemër të misionit global të KB.

Në një fjalim të titulluar Shteti i Planetit, ai do të njoftojë se "objektivi i tij kryesor" vitin e ardhshëm do të jetë ndërtimi i një koalicioni global rreth nevojës për të ulur emetimet në zero.

Zeroja neto i referohet shkurtimit të emetimeve të gazeve serrë dhe sa i përket balancimit të çlirimeve të mëtejshme duke hequr një sasi ekuivalente nga atmosfera.

Z. Guterres do të thotë se çdo vend, qytet, institucion financiar dhe kompani "duhet të miratojë plane për një tranzicion në emetimet zero neto deri në vitin 2050". Sipas tij, ata gjithashtu do të duhet të marrin masa vendimtare tani për ta vendosur veten në rrugën drejt arritjes së këtij vizioni.

Objektivi, thotë sekretari i përgjithshëm i KB, do të jetë ulja e emetimeve globale me 45% deri në 2030 krahasuar me nivelet e 2010.