Një insekt i vogël që shmangu kontrollet e rrepta të biosigurisë të Australisë po shumëfishohet dhe po kërcënon sigurinë e avionit në Aeroportin e Brisbane.
Origjinare e Amerikës Qendrore dhe Jugore dhe Karaibet, kjo lloj grerëze shkaktoi për herë të parë probleme në aeroport në vitin 2013, kur detyroi një Etihad Airëays A330 me drejtim Singaporin të kthehej pas disa minutave në fluturim.
Sapo u ul në tokë, punëtorët e mirëmbajtjes gjetën në tubin pitot të pilotit – instrumenti i zbrazët në pjesën e jashtme të aeroplanit që mat shpejtësinë e ajrit – i cili ishte pothuajse tërësisht i bllokuar nga balta, sipas një raporti nga Byroja Australiane e Sigurisë së Transportit.
Për grerëzat, tubat pitot janë zgavra e përsosur në të cilën mund të ndërtohet një fole me shpejtësi të lartë – aeroplani Etihad ishte vetëm në pistë për dy orë para fluturimit të ndërprerë.
Alan House, një ekolog nga Eco Logical Australia punoi me ekspertë nga Aeroporti Brisbane, linjën ajrore Australiane Qantas dhe këshillimi mjedisor Ecosure për të prodhuar një nga studimet e para në botë mbi ndikimin e grerëzave në tubat pitot. I porositur nga Brisbane Airport Corporation, ai u botua këtë javë në revistën me akses të lirë PLOS ONE.
Studiuesit thonë se pa menaxhim të duhur ekziston rreziku që grerëzat të mund të udhëtojnë në aeroportet e tjera Australiane – dhe madje edhe në vendet e afërta me kushtet e duhura gjysmë-tropikale që ato të lulëzojnë.
“Kur bëmë një hulumtim të sfondit, kuptuam që kjo nuk ishte thjesht një shqetësim, thjesht duhet të pastrohen këto gjëra dhe të eliminoni grerëzat; kjo në fakt mund të çojë në aksidente të mëdha,” tha House.