VIDEO/ Vrasja me mitraloz të telekomanduar, sulmi ndaj shkencëtarit bërthamor iranian zgjati tre minuta

VIDEO/ Vrasja me mitraloz të telekomanduar, sulmi ndaj shkencëtarit bërthamor iranian zgjati tre minuta

09:30, 30/11/2020
A+ Aa A-

Shkencëtari bërthamor iranian u vra të premten në lindje të Teheranit duke u qëlluar nga një mitraloz me telekomandë që operonte nga një makinë tjetër, tha të dielën agjencia gjysmë zyrtare Fars News.

Me zyrtarët e lartë iranianë që fajësojnë Izraelin, lideri suprem Ayatollah Seyyed Ali Khamenei dhe të tjerët kanë premtuar hakmarrje për vrasjen e Mohsen Fakhrizadeh, i cili ishte shkencëtari kryesor bërthamor i vendit.

Dhe ndërkohë kishte të dhëna kontradiktore nga agjencitë iraniane të lajmeve rreth mënyrës se si u zhvillua sulmi, shkruan CNN.

Një raport i botuar të dielën nga Fars Neës tha se Fakhrizadeh po udhëtonte me gruan e tij të premten në një makinë “të papërshkueshme” nga plumbat, së bashku me tre automjete të personelit të sigurisë, kur dëgjoi se diçka që tingëllonte si plumba po godisnin një automjet dhe ai doli nga makina për të përcaktuar se çfarë kishte ndodhur.

Kur ai doli nga automjeti, një mitraloz me telekomandë hapi zjarr nga një Nissan që ishte i ndaluar rreth 150 metra nga makina e Fakhrizadeh, tha Fars News.

Fakhrizadeh u qëllua të paktën tri herë, sipas Fars News. Edhe truproja i tij u qëllua. Pas të shtënave me armë, Nissan shpërtheu, njoftoi Fars News, duke shtuar se sulmi zgjati tre minuta.

Në këtë drejtim CNN shkruan se nuk mund të konfirmojë në mënyrë të pavarur versionin e ngjarjeve të agjencisë së lajmeve.

Po sipas CNN, agjencia gjysmë zyrtare Iraniane e Lajmeve të Studentëve (ISNA) gjithashtu raportoi se makina e Fakhrizadeh u godit nga të shtënat me armë, e ndjekur nga një shpërthim dhe më shumë zjarr, duke cituar Ministrin i Mbrojtjes iraniane Brig. Gjeneral Amir Hatami.

 

 

© SYRI.net

Lexo edhe:

Komentet

Shto koment

Denonco