Sizmiologu i njohur bën paralajmërimin e fortë pas tërmetit të sotëm në Turqi

Sizmiologu i njohur bën paralajmërimin e fortë pas tërmetit të sotëm në Turqi

12:04, 27/11/2020
A+ Aa A-

Turqia u godit nga një tërmet me magnitudë 4.7 të shkallës Rihter gjatë paradites së sotme duke rikthyer frikën pas lëkundjeve të forta të 30 tetorit në Izmir.

Tërmeti pati epiqendër zonën e Malatyas në Turqi, ndërsa nuk raportohen dëme në njerëz apo në infrastrukturë përveç panikut tek qytetarët.

Referuar zonës ku ra tërmeti, sizmiologu i njohur turk Prof.Dr. Naci Gorur u shpreh se duhet bërë kujdes i madh në zonën përreth pasi mund të ketë lëkundje edhe më të forta.

Sipas tij, bëhet fjalë për një pllakë tektonike, e cila përmes tërmeteve të ngjashme po e shtyn enërgjinë e akumuluar gjithnjë e më në veri duke rrezikuar kështu që në vijim të ketë një lëkundje shumë më të fuqishme.

“Bëhet fjalë për pllakën e Anadollit Lindor dhe siç e dini në këtë zonë kanë ndodhur tërmete shumë të fuqishëm në të shkuarën.

Madje një vit më parë ndodhi tërmeti në Elazig, i cili i përket kësaj pllake. Për fat nuk ishte një lëkundje shkatërruese, por kjo nuk do të thotë që në vijim nuk mund të ndodhë një e ngjashme, pasi kjo zonë njihet për tërmete të fuqishëm“, u shpreh ai.

© SYRI.net

Lexo edhe:

Komentet

Shto koment

Denonco