Një mjek në Misuri të Shteteve të Bashkuara të Amerikës, ka shfaqur pamje tronditëse duke u përpjekur të simulojë se çfarë sheh një pacient kur vdes nga koronavirusi.

Me anë të kësaj videoje, ai i dërgon një mesazh botës për përdorimin e një maske.

Dr Kenneth Remy i tha BBC se “mbajtja e maskës nuk është aq e pakëndshme sa të kesh një copë plastike në rrugët e frymëmarrjes”.

Ai gjithashtu tha se u ndje i detyruar të bënte këtë video kur pa ndikimin që kishte vdekja e një pacienti në ekipin e tij.

“Kështu është kur ju merrni frymë 40 herë në minutë, keni nivele oksigjeni që bien nën 80. Kështu do të duket. Shpresoj që momentet e fundit të jetës tënde të mos duken kështu” , shprehet mjeku në video.

Ai gjithashtu shpjegoi se ishte kujdesur për një pacient që ishte intubuar, i cili i kërkoi që t’u tregonte familjarëve të tij se i donte. “Nuk mendoj se do të jetoj”, i tha ajo dhe kishte të drejtë, pasi vdiq pak më vonë. “Duke parë një nga koleget e mia, ajo dukej e lodhur dhe unë mund të shihja sa kishte ndikuar tek ajo. Dhe kështu, në atë moment, shkova në një dhomë dhe bëra këtë video”, tregon mjeku.

"I hope that the last moments of your life don't look like this"

A doctor in Missouri has made a video simulating what a patient dying from Covid-19 might see - in a bid to urge people to wear face maskshttps://t.co/X0aLsy4hdC pic.twitter.com/f8Fotu9tgC

— BBC News (World) (@BBCWorld) November 26, 2020