Shtetet e Bashkuara janë tërhequr zyrtarisht nga Traktati për Qiejt e Hapur, një marrëveshje që synonte të forconte besimin duke lejuar 34 kombet pjesëmarrëse të vëzhgonin ushtritë e njëri-tjetrit përmes fluturimeve të paarmatosura.

Nga e diela, "Shtetet e Bashkuara nuk janë më një Shtet Palë në Traktatin për Qiejt e Hapur", tha deklarata e bwrw nga Departamenti i Shtetit në SHBA.

Sekretari i Shtetit Mike Pompeo, në Twitter, tha "Amerika është më e sigurt" për shkak të tërheqjes, ndërsa shtoi "Rusia mbetet në mosrespektim të detyrimeve të saj".

Rusia është akuzuar për shkelje të vazhdueshme të trajtimit duke bllokuar fluturimet e vëzhgimit rreth zonave të caktuara, duke përfshirë enklavën ruse të Kaliningrad dhe kufirin me Gjeorgjinë, si dhe duke mohuar fluturimet mbi stërvitjet ushtarake ruse.

Marrëveshja e kontrollit të armëve, e negociuar në 1992, lejoi kombet pjesëmarrëse, duke përfshirë SH.B.A. dhe Rusinë, të kryenin fluturime të paarmatosura vëzhgimi mbi territorin e njëri-tjetrit. Çdo vend ka një kuotë vjetore për sa fluturime duhet të pranojë dhe sa mund të kryejë.

Ndërsa kritikët thonë se tërheqja është një goditje e madhe për aleatët e SHBA, ajo jo domosdoshmërisht e prish marrëveshjen, me Moskën që ka treguar se është më e interesuar në mbikëqyrjen ajrore të shteteve evropiane sesa mbikëqyrjen e SHBA.

Në fillim të këtij muaji, Ministri i Jashtëm rus Sergei Lavrov kërkoi garanci me shkrim nga anëtarët e mbetur të NATO-s që çdo e dhënë që ata të mbledhin tani e tutje të mos ndahet me SH.B.A. Ai gjithashtu tha që bazat e SHBA në Evropë nuk do të përjashtohen nga misionet e mbikëqyrjes ruse.